6 красавіка Прэм'ер-міністр Рэспублікі Беларусь Міхаіл Мясніковіч здзейсніў рабочую паездку ў Віцебскую вобласць.

У ходзе паездкі кіраўнік Урада наведаў Бягомльскі завод «Ветразь» – дачынае прадпрыемства Магілёўскага завода ліфтавага машынабудавання, дзе азнаёміўся з ходам рэалізацыі інвестыцыйнага праекта па вытворчасці камплектуючых вырабаў для ліфтаў і перспектывамі развіцця прадпрыемства.

Міхаіл Мясніковіч таксама праверыў гатоўнасць гаспадарак Віцебскай вобласці да вясенне-палявых работ на прыкладзе сельгаспрадпрыемства "АграБераснёўка", наведаў некалькі аб'ектаў сацыяльна-культурнай і бытавой сферы.

Па выніках паездкі Прэм'ер-міністр зрабіў шэраг даручэнняў у адрас Віцебскага аблвыканкама, Міністэрства сельскай гаспадаркі, Міністэрства прамысловасці, Нацыянальнай акадэміі навук, іншых арганізацый.

У прыватнасці, Міхаіл Мясніковіч даручыў прыняць меры па скарачэнні адмоўнага знешнегандлёвага сальда вобласці, якое з'яўляецца другім па велічыні ў рэспубліцы, больш актыўна прыцягваць у рэгіён прамыя замежныя інвестыцыі, разгледзіць магчымасці стварэння новых вытворчасцей на дзеючых прадпрыемствах у мэтах павелічэння прамысловай вытворчасці, забяспечыць навядзенне парадку на жывёлагадоўчых фермах, вырашыць пытанне з забеспячэннем рэгіёну мінеральнымі ўгнаеннямі, прапрацаваць магчымасці па развіцці бізнесу па перапрацоўцы ягад і грыбоў і інш.