Пастанова Савета Міністраў

от 25.01.2011

№ 83

Урад Беларусі ўстанавіў заданні па эканоміі рэсурсаў на 2011 год

Запампаваць Постановление Совета Министров Республики Беларусь от 25 января 2011 г. № 83 Запампаваць Задания по экономии ресурсов на 2011 год республиканским органам государственного управления и иным государственным организациям, подчиненным Правительству Республики Беларусь, облисполкомам и Минскому горисполкому
Урад Беларусі ўстанавіў заданні па эканоміі рэсурсаў на 2011 год. Адпаведнае рашэнне прынята пастановай Савета Міністраў ад 25 студзеня 2011 года нумар 83.

У дакуменце вызначана, што паказчыкам па эканоміі рэсурсаў у 2011 годзе з'яўляюцца суадносіны тэмпаў росту затрат на вытворчасць прадукцыі (работ, паслуг) і тэмпаў росту аб'ёму вытворчасці прадукцыі (работ, паслуг) у бягучых цэнах за вылікам налічаных падаткаў і збораў з выручкі, якія разлічваюцца на падставе даных дзяржаўнай статыстычнай справаздачнасці.

Пастановай устаноўлены заданні па эканоміі рэсурсаў рэспубліканскім органам дзяржаўнага кіравання, аблвыканкамам і Мінскаму гарвыканкаму. Яны, у сваю чаргу, павінны давесці дыферэнцыравана да падпарадкаваных ім дзяржарганізацый і гаспадарчых таварыстваў паказчык па эканоміі рэсурсаў на 2011 год.

Міністэрству эканомікі ў 15-дзённы тэрмін неабходна зацвердзіць методыку разліку паказчыка па эканоміі рэсурсаў і сумесна з рэспубліканскімі органамі дзяржкіравання ажыццяўляць кантроль за яго выкананнем. Ва Урад будзе прадстаўляцца інфармацыя аб выкананні гэтага паказчыка за першае паўгоддзе і па выніках года.

Пастанова нумар 83 прынята ў адпаведнасці з Дырэктывай Прэзідэнта Рэспублікі Беларусь ад 14 чэрвеня 2007 года нумар 3 "Эканомія і беражлівасць - галоўныя фактары эканамічнай бяспекі дзяржавы".​

Савет Міністраў Рэспублікі Беларусь