Савет Міністраў урэгуляваў асобныя грамадскія адносіны ў сферы турызму. Адпаведную Пастанову падпісаў Прэм'ер-міністр Аляксандр Турчын.
Пастановай зацверджаны палажэнне аб Міжведамасным экспертна-каардынацыйным савеце па турызме пры ўрадзе і яго новы склад, інструкцыя аб парадку правядзення спецыяльных маніторынгаў уязнога і ўнутранага турызму, якія выкарыстоўваюцца для ацэнкі ўкладу развіцця турызму ў эканоміку і долі турызму ў ВУП.
Для папулярызацыі турызму і павелічэння яго ўкладу ў эканоміку рэгіёнаў прадугледжваецца ўдасканаленне рэгіянальнай вертыкалі кіравання сферай турызму, функцыі якой з 1 студзеня 2026 года выконваюць у выканкамах структурныя падраздзяленні эканомікі, а таксама стварэнне ў кожным абласным цэнтры турыстычнага інфармацыйнага цэнтра (ТІЦ), міжрэгіянальных ТІЦ з філіяламі ў раёнах,аб'яднаных агульнымі лагістычнымі і турыстычнымі рэсурсамі.
Для прыцягнення турыстаў пашыраюцца задачы і паўнамоцтвы ТІЦ. Грамадзяне Беларусі і замежныя госці змогуць атрымліваць у ТІЦ пашыраны спектр паслуг: па тураператарскай дзейнасці, рознічным гандлі сувенірнай, рамеснай прадукцыяй, адзеннем, абуткам, іншымі таварамі з сімваламі Рэспублікі Беларусь, экскурсійным абслугоўванні.
Для зручнасці наведвальнікаў устанаўліваецца аптымальны рэжым работы ТІЦ - на зімовы і летні перыяды, абавязкова ў суботу і нядзелю - у найбольш запатрабаваныя ў падарожнікаў дні тыдня.